公主 (已結業)

公主café个餐厅名同装修虽然同女仔好夹，但系食物方面男女仔都非常适合。二人晚餐，先有椰菜花沙津、芦笋沙津，清新嘅选材，简洁嘅摆碟方式，几令我地喜爱。接著有白酒忌廉青口、三文鱼他他雪糕筒，前者青口饱满、无杂质，而三文鱼他他鲜味十足，蟹籽跟三文鱼配搭一流!蘑茹汤用上别致嘅杯盛上，加上少量忌廉，味道浓郁，入口顺滑。主菜分别有香煎鲈鱼及M9和牛，前者煎得鱼皮香脆，而鲈鱼鱼肉白晢结实; 而和牛煎得粉嫩，保存著嫩口软滑嘅口感。最后有冧酒朱古力及芝士乳酪嘅草莓仙子作甜品，微酸嘅味道，有助消化。