維港魚蛋麵小廚

营业中

休息中

今日八号风球，谂住近近地落街食个快饭就闪人，于是入咗呢间野。睇完一轮menu后嗌咗个豉汁蒸鲩鱼。个例汤正正常常，鱼同饭望落都靓靓仔仔，但食食下个口感就开始怪，啲鱼肉脆嘅喂。望真啲，劲呀，成半旧鱼都系完完全全生嘅。个人对于一间餐厅最基求嘅要求系将食物煮熟，然后先系好味。 呢间餐厅成功令我食到成世都未食过、咁生嘅蒸鲩鱼，仲要一句唔好意思都冇。好想有相比大家睇下，但太震惊唔记得影，希望今晚唔会肚屙。呀仲有，呢间野味精好重手，依家好颈渴。