傑志膳房

喺沙田学完车，打算同朋友喺区内顺手食埋饭先走，所以就去到石门呢边试下开咗两个月嘅呢间杰志Bistro。中午个set menu有好多唔同选择，可以拣跟唔跟沙律呀、汤咁样。我就咁要咗个茴香汤、石班柳、同杯饮品加甜品。个汤同想像中唔同，个口感唔会好稀，但系饮落系会好舒服。个茴香味几出，但系唔会好攻，个味道好啱我个喜好。个石斑柳焗得嚟个口感仲系好嫩，不过我自己平时食开好重口味，就会觉得相比冇想像中咁咸。个蒜蓉牛油汁牛油味好出，加少少盐同条鱼一齐食就会啱啱好。今日个甜品我拣咗cheesecake。饮品方面我本来想就咁要杯可乐，但系个经理同我讲话因为餐厅行健康路线，所以冇卖汽水。佢推介咗杯Espresso Tonic俾我（因为我口痕想要杯有气嘅嘢），咖啡味同tonic water个味加埋一齐会饮到少少tonic嘅苦味，但系又好平衡，冇话边只味抢咗第二只咁，系会帮到个人calm down。个餐厅环境系好舒服，同埋本身楼底高，会觉得好休闲。不过下次可能要再留多少少肚先食，佢哋个沙律同埋main course份量都好足，如果可以细份少少就会好D。听讲呢排系试业中，个menu会个个星期换，可能下星期又去多