我杯茶 (永興樓)

营业中

休息中

男朋友之前讲过话好想试吓呢间铺头嘅奶茶，所以起咗身之后就过咗嚟食，本身以为净系得吧枱或者企位，所以好抗拒，入到去先知原来系有间房仔可以坐嘅！即刻开心晒见到个餐牌，花多眼乱唔知食乜好，同台有两位女士好热情地介绍左个暗然销魂包俾我哋，卖相好吸引，令我即刻决定咗要试吓！落左单之后冇几耐杯奶茶就上咗枱，我哋带咗一杯冻一杯热，可能系因为今日天气太热啦，总系觉得冻个杯好饮啲味道几好，系我钟意嘅偏甜少少味道过咗冇几耐个脆脆猪就嚟咗啦，奥卖葛!!!一咬落去脆卜卜，好正！个蛋黄唔知点解食落去仲有啲糖心蛋嘅感觉～成件事好正！好满足！唯一要留意嘅系啲叉烧有少少偏肥，食完成个都几腻，如果同朋友嚟，可以叫一个脆脆猪，在叫其他嘢食，大家share,咁就会中和返～值得一赞嘅系老板好亲切，有礼貌临走嘅时候去咗个厕所，厕所好干净，睇得出好注重卫生！下次再去湾仔一定会再帮衬