雋園火鍋

营业中

休息中

今日第一次上树仁大学附近揾个朋友食饭，咁上树仁大学就要上宝马山啦，得一架小巴巴士上到去好偏僻，咁大家都知而家疫情啦，唔系该校嘅学生系唔可以入去大学范围入边，所以我哋唯有喺个山头度揾其他餐厅一齐食饭啦！咁我哋嚟到学校附近呢一个餐厅嘅集中地啦叫做，就有三四间唔同嘅餐厅集中左系一齐嘅，其中一间叫囍筷嘅就系佢哋树仁大学生嘅专属饭堂咁滞！但系讲到明系专属饭堂，就梗系好多学生喺度排紧队买饭啦，所以我哋去咗隔离呢一间比较大d嘅隽园火锅餐厅！咁我睇过啲食评同埋食个晚餐火锅嘅人都话OK嘅，但系中午嘅午市套餐真系麻麻哋，咁我叫咗一个云耳蒸鸡饭啦再加一杯冻柠茶，啲饭系好多，但个𩠌菜就好一般，同埋佢哋啲冻柠茶用纸杯装住嘅，所以感觉又差啲！不过可能佢晚市火锅系会做得好食d，希望下次有机会试埋个晚市火锅🍲