道生麵館

营业中

休息中

我自己好钟意食牛腩面，所以一知道某网红推介呢间，我即刻揾机会嚟试吓。据讲呢度嘅崩沙腩同坑腩都非常正，所以心谂两样都好啱我食。当日12点松啲去到，门口已经排咗一条长龙。不过我预咗一定要食，所以都唔介意排队。派咗七八个字，就轮到我哋。由于系小店，所以都知道一定较为逼夹，需要搭枱亦都好合理。我哋两个人分别叫咗坑腩河同片头河，但佢话坑腩同崩沙腩都卖晒，所以只有普通腩。所谓嘅普通腩就系比较瘦嘅部份，虽然我觉得如果牛腩比较瘦就系有啲伏，但系既然嚟到都试吓啦。食物送上嚟觉得卖相仲勉强可以，牛腩黐到少少肥膏，食落口唔算太干柴，但系亦冇10分精彩嘅味道。而最令我失望嘅系佢嘅河粉，质地比较爽硬，一啲都唔滑，而且个汤冇味，所以食落就系淡淡咁。我反而觉得个片头河啲片头仲比较OK。结果就系食晒啲牛腩同片头之后，就算数。好可惜今次食唔到坑腩或崩沙腩，所以未能作准。。