影片
更多
2011-08-25
394 浏览
其实本身都嚟过两次，不过到上个星期食完之后拖到今日先写食评，无计，懒之过。话说第一次嚟食已经系上年十一月二十号，当时通胀已经开始升温，想揾啲又平又好食又地段方便嘅餐厅食吓开心吓，就拣咗呢间，当时上嚟 Openrice 呢度睇其实都系搏吓，点知食落又正㖞！$38 嘅套餐，有汤、有前菜春卷、饼、饭、主菜咖哩羊仲有餐饮。论阵容、论份量都唔失礼，最衰第一次去事隔太耐，当时又无习惯写食评，所以记忆散失哂。比如话呢个餐汤，余已经唔记得咩味道。不过余肯事隔大半年 encore 证明当时印象都好好，如果要讲印象最深刻最强烈，一定系 Momo 个酱汁，都真系几香辣，不过又有少少清新感觉，好得意。个饺本身就咁食都已经好食又够料。到上个星期喇，又再次有机会同另一位朋友嚟呢度食，不过呢次余就记得个汤系咩味，如果余无饮错就应该系鸡汤，有红萝卜丝，汤本身个质感其实都算几清，不过口味就相当适中，啱啱好。前菜照旧都系春卷，正！够香脆！如果再干身少少，少啲油就完美。主菜拣咗食咖哩牛；呢度嘅咖哩口味上算系入门级，香甜带少辣，啱香港人口味，呢次坐响余身后张大台就有一个地道香港家庭。比较可惜系呢次无再叫 Momo，不过都惊食
话说第一次嚟食已经系上年十一月二十号，当时通胀已经开始升温，想揾啲又平又好食又地段方便嘅餐厅食吓开心吓，
就拣咗呢间，当时上嚟 Openrice 呢度睇其实都系搏吓，点知食落又正㖞！$38 嘅套餐，有汤、有前菜春卷、饼、饭、主菜咖哩羊仲有餐饮。
论阵容、论份量都唔失礼，最衰第一次去事隔太耐，当时又无习惯写食评，所以记忆散失哂。比如话呢个餐汤，余已经唔记得咩味道。
不过余肯事隔大半年 encore 证明当时印象都好好，如果要讲印象最深刻最强烈，一定系 Momo 个酱汁，都真系几香辣，不过又有少少清新感觉，好得意。个饺本身就咁食都已经好食又够料。
到上个星期喇，又再次有机会同另一位朋友嚟呢度食，不过呢次余就记得个汤系咩味，如果余无饮错就应该系鸡汤，有红萝卜丝，
汤本身个质感其实都算几清，不过口味就相当适中，啱啱好。前菜照旧都系春卷，正！够香脆！如果再干身少少，少啲油就完美。主菜拣咗食咖哩牛；呢度嘅咖哩口味上算系入门级，香甜带少辣，啱香港人口味，呢次坐响余身后张大台就有一个地道香港家庭。
比较可惜系呢次无再叫 Momo，不过都惊食唔哂，唔紧要，去埋第三次补返数！
张贴
