135果園雞

营业中

休息中

听讲有人喺蓝屋卖鸡，所以专程去试吓。因为牌照问题，唔可以坐喺舖面食，要食一系就买外卖，一系就买完攞过隔离舖里面𠮶几张凳、同bar台食。不过唔知系唔系因为牌照问题，店员完全唔会理你；明知你过隔离食，都依然系畀你外卖胶饭盒、外卖胶汤碗、同即弃餐具，仲要用胶袋入住。OK，食完自己清洁系常识；食饱就一胶袋自己放入门口个大垃圾桶，店员连台都唔会抺一吓。门口写住主打奇香鸡，鸡无鸡味，用大量中国芹菜同香料腌制；阿姐好明显唔识斩鸡，啲鸡斩到碎湿湿，仲好多碎骨、满口油。反而个例汤，同跟饭嘅蒜蓉苋菜就不错。份量亦够饱肚。