影片
更多
2023-05-24
782 浏览
今日十五十六食车仔面还是食韮菜猪红肠，虽然最后打算食后者，但地铁出错方向，去咗另一边，见个天开始黑，趁未落雨，行快两步嚟到呢间好多网友介绍嘅名店。名店果然系名店，未到埗，离远已经见到门口一堆人，行前望真啲，原来已经有十多人排队，相比前面那间烧味食店的门可雀罗，真是大相迳庭。门口没有餐牌，望入店内台面亦不见有餐牌（后来买完坐底，先发现在店内一角的墙上贴上一张A4大细嘅纸，估计系价钱牌，但字太细，我亦无再考究），但从外望入去亦离见到有什么选择，只见门口有位渌面姐姐忙碌地渌面，但不理了，先排队，到时见到乜就按感觉去选择就好了。原本打算叫幼面，但见前面两个人都叫油面，我为求稳阵，当然亦选择油面，然后第一睇见到猪手，又记得谷友贴过啲靓靓猪肠出嚟，再加埋我至爱嘅猪皮，一个三𩠌油面就咁形成，承惠$38，店员问我加唔加嘢饮，我心血来潮加罐忌廉，一共$43，即系话罐汽水只收$5，相当之抵，之后在堂食见到原来除咗又罐装汽水之外，仲有枝装可乐，杯装柠茶，杯装奶茶同埋豆浆，下次有机会会试下。食物方面，猪手好腍，但有少量猪毛😖，猪皮好爽，但有一两件食到成口猪毛，完全估佢唔到😱😱🥺，猪肠好肥，但清洁得好干净，份量
名店果然系名店，未到埗，离远已经见到门口一堆人，行前望真啲，原来已经有十多人排队，相比前面那间烧味食店的门可雀罗，真是大相迳庭。
门口没有餐牌，望入店内台面亦不见有餐牌（后来买完坐底，先发现在店内一角的墙上贴上一张A4大细嘅纸，估计系价钱牌，但字太细，我亦无再考究），但从外望入去亦离见到有什么选择，只见门口有位渌面姐姐忙碌地渌面，但不理了，先排队，到时见到乜就按感觉去选择就好了。
原本打算叫幼面，但见前面两个人都叫油面，我为求稳阵，当然亦选择油面，然后第一睇见到猪手，又记得谷友贴过啲靓靓猪肠出嚟，再加埋我至爱嘅猪皮，一个三𩠌油面就咁形成，承惠$38，店员问我加唔加嘢饮，我心血来潮加罐忌廉，一共$43，即系话罐汽水只收$5，相当之抵，之后在堂食见到原来除咗又罐装汽水之外，仲有枝装可乐，杯装柠茶，杯装奶茶同埋豆浆，下次有机会会试下。
食物方面，猪手好腍，但有少量猪毛😖，猪皮好爽，但有一两件食到成口猪毛，完全估佢唔到😱😱🥺，猪肠好肥，但清洁得好干净，份量好多，亦都入味，如果无哂啲猪毛就好啦！
环境方面，虽然好多人排队，但好多都系外卖，加上有专人即时执拾台面，所以仍即时有位坐底，当我食完之后，拿出手机玩，那位姐姐立即过来清理台面，我亦不好意思久留，虽然外面仍落雨，但都是识趣地离开，在外面避雨。
总括而言，味道不错，价钱相宜（但相比美心三𩠌车仔面包热饮，只要$41，仲有埋菜，仍然有距离），只要不叫有毛食物就应该唔会出事。唔知下次叫鸡中翼、鸡翼尖时，会唔会又系食到鸡毛呢？
27 浏览
0 赞好
0 留言
张贴
