影片
更多
2024-01-29
21 浏览
💁♀️💁♂️ 23/01/2024(Tue), Dinner🍽上次我哋食完厚切猪膶之后，今次我哋又去到💁♀️为食妙妙公司附近一间牛舌👅关注组推介嘅顺日本料理食厚烧牛舌👅。除咗上次嘅猪膶，牛舌都系另一种我哋觉得要厚切先好食嘅食物，要厚切先食到应有嘅口感同外脆内软熟嘅感觉。餐厅位于天后，略略偏离开电气道比较多餐厅嘅路段，换来就系比较宁静嘅环境。座位安排都算坐得舒服阔落，原来餐厅已经开业30年👍👍👍，能够经营咁耐一定有佢嘅拿手之处。而今晚我地order咗：🔆 厚烧牛舌👅便当（$180）呢款便当有餐厅招牌嘅厚烧牛舌3块，仲有烟三文鱼杂菜沙律、冷荞麦面、味噌汤，原本应该系跟埋雪糕嘅，但因为卖晒，所以换成泡芙。牛舌👅真系好厚切，目测有成吋厚，烧得外皮焦香，内里软腍而有肉汁，简简单单用盐烧就已经好好食。每件都几大件，便当入面有3件都好够食。烟三文鱼杂菜沙律用上日式酱汁，酸酸甜甜的都几清新醒胃。冷荞麦面本身够冻，配合荞麦面汁入口爽滑。味噌汤内有点萝卜、菇🍄，清清哋咁。泡芙是士多啤梨🍓味道，不过不失。🔆 广岛蚝🦪锅（$120）天气冻冻哋食个热焫焫嘅锅物就最好不过，今晚我哋点咗广岛蚝🦪锅，主要配料有广岛蚝
💁♀️💁♂️ 23/01/2024(Tue), Dinner🍽
上次我哋食完厚切猪膶之后，今次我哋又去到💁♀️为食妙妙公司附近一间牛舌👅关注组推介嘅顺日本料理食厚烧牛舌👅。除咗上次嘅猪膶，牛舌都系另一种我哋觉得要厚切先好食嘅食物，要厚切先食到应有嘅口感同外脆内软熟嘅感觉。
餐厅位于天后，略略偏离开电气道比较多餐厅嘅路段，换来就系比较宁静嘅环境。座位安排都算坐得舒服阔落，原来餐厅已经开业30年👍👍👍，能够经营咁耐一定有佢嘅拿手之处。
而今晚我地order咗：
🔆 厚烧牛舌👅便当（$180）
呢款便当有餐厅招牌嘅厚烧牛舌3块，仲有烟三文鱼杂菜沙律、冷荞麦面、味噌汤，原本应该系跟埋雪糕嘅，但因为卖晒，所以换成泡芙。
牛舌👅真系好厚切，目测有成吋厚，烧得外皮焦香，内里软腍而有肉汁，简简单单用盐烧就已经好好食。每件都几大件，便当入面有3件都好够食。烟三文鱼杂菜沙律用上日式酱汁，酸酸甜甜的都几清新醒胃。冷荞麦面本身够冻，配合荞麦面汁入口爽滑。味噌汤内有点萝卜、菇🍄，清清哋咁。泡芙是士多啤梨🍓味道，不过不失。
🔆 广岛蚝🦪锅（$120）
天气冻冻哋食个热焫焫嘅锅物就最好不过，今晚我哋点咗广岛蚝🦪锅，主要配料有广岛蚝🦪、绍菜、豆腐、菇🍄、鸣门卷🍥等。上枱时个锅冒住烟，够晒热🌡️。广岛蚝🦪有3只，唔系好大只但肉身饱满，涨卜卜咁。入口刚刚熟，咬落仲有蚝汁😋。汤底清得来又带蔬菜的甜同广岛蚝🦪嘅鲜，食完个人都暖笠笠。
🔆 久保田清酒🍶 300ml（$180）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：8.5/🔟
❤🙆♀️(为食妙妙)整体食评：8.5/🔟
👉🏻 厚切牛舌👅外脆内软熟，单单系为呢道厚烧牛舌👅已经可以重访
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗🚗(5/5)
👉🏻 天后地铁站上盖有停车场🅿️，不远处既维园泳池有大量表位🅿️，只要唔系维园有展览/活动，不难揾到泊位。
👉🏻 天后地铁站过嚟都唔使5分钟路程，地铁、巴士、电车、甚至小巴都有唔少选择
🔆🔆🔆🔆🔆🔆🔆🔆🔆🔆🔆🔆🔆
张贴
