更多
2019-01-03
1508 浏览
第二次去食,主要贪佢冇乜人可以静静地倾计。我哋两个人坐低点左寿司、汁煮东风螺,鳕鱼干、银鳕鱼同埋少少刺身。坦白讲嘢食系可接受,寿司刺身都唔错,银鳕鱼系最好食,但个汁煮东风螺就咸到我哋要叫师傅重新整过。但是可怕系食食下见到只劲大曱甴由幢墙上面爬落嚟,仲差啲爬咗入我朋友个手袋。我本人系唔怕曱甴嘅,但我朋友就吓到大叫。老板行过嚟,二话不说徒手拍落只曱甴度,呢下我就惊起上嚟啦。话你拍完有冇消毒洗手整嘢食㗎!!!老板解释系楼下酒吧引左好多曱甴嚟,但呢下都已经吓到我朋友想呕,我哋野都未食完就即刻走咗了。埋单差不多$1100,搞成咁老细少少discount都冇俾。咁我都冇多问啦,你俾啲优惠券我唔通我下次又来咩。清洁同卫生真系对食肆来讲系最重要㗎!
但是可怕系食食下见到只劲大曱甴由幢墙上面爬落嚟,仲差啲爬咗入我朋友个手袋。我本人系唔怕曱甴嘅,但我朋友就吓到大叫。老板行过嚟,二话不说徒手拍落只曱甴度,呢下我就惊起上嚟啦。话你拍完有冇消毒洗手整嘢食㗎!!!老板解释系楼下酒吧引左好多曱甴嚟,但呢下都已经吓到我朋友想呕,我哋野都未食完就即刻走咗了。
埋单差不多$1100,搞成咁老细少少discount都冇俾。咁我都冇多问啦,你俾啲优惠券我唔通我下次又来咩。
清洁同卫生真系对食肆来讲系最重要㗎!
张贴