廚十三老壇酸菜魚 (譽發廣場) (已結業)

妈咪一直都好钟意食辣嘢，见佢生日我哋就一家人嚟咗呢间喺油麻地嘅酸菜鱼餐厅度食生日饭🎂💕我哋一家人食叫咗好多嘢，我就介绍其中几样我觉得最钟意食嘅嘢食同大家分享吓啦。老坛酸菜鱼有极多酸菜，啱晒我，因为我劲钟意食，不过佢除咗酸菜多啲鱼鱼肉都一样咁多，食落都好滑，佢个酸辣到啱啱好，非常之开胃。十三凉粉本身睇成碟咁红，以为佢系油冧冧，但其实食落一啲都唔会，辣味好浓郁，凉粉口感有啲似粉皮都系好滑嫩。麻辣砵砵鸡有齐晒我想食嘅嘢，本身佢入面一共就有七种嘢食: 牛展，牛肚，牛脷，鹌鹑蛋，莴笋片，土豆片，鸡脚。我最钟意食鹌鹑蛋细细粒，补充蛋白质。跟住土豆片都超级辣味，好爽！碧绿脆笋薄薄一片，食落好爽脆，呢款相对冇咁辣比较温和啲。