影片
更多
2021-07-17
262 浏览
我喺嗰邊返工所以成日食呢間大快活，但係個收銀成日㩒錯嘢，fine我唔計較，當佢係新人所以間中打錯掣，不過佢知道左都會即刻道歉同幫我改。到去水吧攞嗰時，有兩次好有印象嘅不愉快經歷，一次係去食火鍋（要牛），個經理就比左豬肉，我同佢講返比錯嘢我，佢就成份牛肉掟出嚟，好在我避得開先冇比佢整到成身污糟哂；另一次係食其他嘅餐，嗰次係出漏左我張單，我要走去催單先至出比我，仲要藐嘴，不過隔離嗰個水吧姐姐就好好人係咁同我講唔好意思。食物方面，大快活嗰啲預左放得入口就算，但係有幾次食到嘅咕嚕肉就嗱喉嚨嘅，而每次食嗰啲白飯一係超似食漿糊，一係似生米。不過都有嘢要讚嘅，有個執枱姐姐，每次見到呢個姐姐勁好笑容，令我覺得佢好似想當所有客都係VIP，但係呢幾個月都冇見到佢喺度做，不過佢嘅服務態度真係好好，有機會見到佢好想喺佢面前讚下佢。
到去水吧攞嗰時，有兩次好有印象嘅不愉快經歷，一次係去食火鍋（要牛），個經理就比左豬肉，我同佢講返比錯嘢我，佢就成份牛肉掟出嚟，好在我避得開先冇比佢整到成身污糟哂；另一次係食其他嘅餐，嗰次係出漏左我張單，我要走去催單先至出比我，仲要藐嘴，不過隔離嗰個水吧姐姐就好好人係咁同我講唔好意思。
食物方面，大快活嗰啲預左放得入口就算，但係有幾次食到嘅咕嚕肉就嗱喉嚨嘅，而每次食嗰啲白飯一係超似食漿糊，一係似生米。
不過都有嘢要讚嘅，有個執枱姐姐，每次見到呢個姐姐勁好笑容，令我覺得佢好似想當所有客都係VIP，但係呢幾個月都冇見到佢喺度做，不過佢嘅服務態度真係好好，有機會見到佢好想喺佢面前讚下佢。
张贴