又一

营业中

休息中

最近新开既咖哩专门店，平时路过都见好大堆人系到排队等位/等外卖，亦会好大阵好香既咖哩味，已经好吸引，今次黎试试佢！ 入面位唔多，大概30个左右，早少少到，好彩唔驶等好耐！就叫左个咖哩吉列猪扒蛋包饭（$80），佢辣度有大/中/小拣。平时其他日式咖哩都冇得拣辣度，咁就叫个中辣试试佢，仲可以唔驶加钱要樽仔奶茶。落完单冇耐都好快就上哂，整体黎讲都觉得好OK，份量都够，首先只蛋算系半熟既，滑漏漏咁唔会Dry，而咖哩汁绝对唔同你吝啬，劲多汁保证啖啖都捞到😂而猪扒都好脆口好厚肉，亦都唔会话炸粉太重。最后，个中辣都冇令人失望，系会比出面既日式咖哩辣既，唔太食得辣既都唔建议叫中辣。仲有樽仔奶茶，个人觉得有点儿太细支，可能得2支益力多既量咁，不过系滑同香浓既！唯一美中不足就系好似可以系咖哩汁到加啲啲配料例如薯仔，哈哈。