龍城冰室

营业中

休息中

呢头咁多餐厅，系龙城至成日排长龙，点都要揾机会试吓。佢哋要求齐人至可以入座，咁都合理嘅，态度语气都还好。今次试咗几款食物。首先叫咗个猪扒常餐，佢个出前一丁都煮得几好，软硬适中亦弹牙，猪扒都够大块。而佢块多士系丹麦多士，好香牛油味，炒蛋亦都好味道。另外叫咗烟三文鱼沙律，同其他餐厅一样操作，稳阵，菜都够新鲜，酱汁带来微微酸酸甜甜，开胃爽口跟住试埋鱼柳all day breakfast，份量好足，有大块鱼柳，沙律底，加炒蛋、烟肉、肠、同火腿牛角包，样样其实都新鲜好味，鱼柳都好香脆。职员们虽不笑容满面，但都唔系差嘅。最紧要个价钱都好亲民，所以抵佢要排几个字至有得入座。