越發地道河內料理

营业中

休息中

上次午餐时间经过心思思想食呢间越南河粉，餐厅出面已经大排长龙，排排下有人话已经截左龙。今日特登早过开铺时间嚟到，终于试到佢地最出名嘅河粉。餐厅虽然唔大，但环境企理干净，装修简约。枱上放有一杯暖水，有少少椰子味。餐厅老板落单同出菜速度都几快，我地落左单之后15分钟内已经食得。招牌河粉嘅汤底清甜不浊，有淡淡牛骨香气。牛柳软嫩，而河粉系幼身河粉，几滑，我觉得唔错，但男友略嫌未够淋身。河粉更附送左油炸鬼、青柠等配菜。如果你系唔食芫荽葱，可以要求餐厅另上/走青。米纸烟靭，鲜虾爽口，配料塞满左米纸卷，蘸上清爽酸甜嘅酱汁，非常满足。餐厅唔收加一，但服务质素好好。虽然系小店，但唔会俾人好急埋单赶人走嘅感觉。如果有时间排队，不妨试下呢间餐厅。