ABC餅屋

营业中

休息中

今次湾仔扫街之旅，一共去左四间历史面包店，而呢间ABC饼店系价钱最高、面包饼类选择最少、亦系最早无哂货嘅饼店。星期六下午12点半嚟到，我想试嘅蜂蜜卷蛋、威化橙饼都无哂，职员表示咖啡卷蛋1点出炉、栗子卷蛋当日售罄😂。我唔能空手而回，所以最终买左两件卷蛋。由于实在太饱，所以买完隔左一个钟先食。绿茶红豆卷蛋$14打开果阵已经闻到绿茶香，入口茶味几浓，红豆硬身，溶溶地Cream几滑，虽然唔太甜，不过唔中意食Cream嘅我觉得太多、太油腻。紫心蕃薯卷蛋$16估唔到中间紫薯仍然呈冰嘅状态😯紫薯分量算多，而且有紫薯味又唔会过甜，而且紫薯嘅Cream唔多，所以食落无绿茶咁油腻。饼店嘅合桃酥同样出名，特别在可以加热水整成合桃糊，不过由于价钱偏贵，自己又唔好合桃酥/糊，所以无试过，有兴趣嘅朋友可以买嚟试下。