牛涮鍋

营业中

休息中

好多年前都有食牛涮锅。冇谂过今日食嘅质素会差到呢个地步。连罐装汽水，包装饮品都唔再提供。只有一部汽水机，仲要系百事。汽水机出嚟嘅汽水好淡，啲冰有啲溶溶地嘅状态。成件事就好似喺萨莉亚打边炉咁。但系佢唔系萨莉亚嘅价钱啰雪糕就一向都系软雪糕，但系就算今日嘅芒果味同埋牛奶味，我只系食到糖嘅味道。我食第二贵嘅餐，两个人都要七百几蚊埋单。剩系得牛肉系比较好食。出面夹嘅配料，菜唔系好新鲜，啲丸亦都唔好食。想揾粒正常啲嘅牛丸，贡丸都冇。今时今日呢个价钱，出面有大把选择。我完全唔理解点解仍然会有人排队食。食完真系嬲咗。