明記海鮮潮州菜館 (天保大廈)

营业中

休息中

约咗朋友去荃湾食饭，上openrice揾下灵感，见到明记评分都几高，就去试下！上到去睇餐牌花多眼乱，睇紧嘅时候职员走过黎问我地：要唔要黄金鲜鱿呀？厨房出错咗，要就即刻有得食！我地三个都几肚饿，就话要啦！之后睇睇下餐牌，朋友点咗脆皮牛腩同埋炸蚝饼，职员话满$300会送卤水拼盘，咁我地冇咁嗌了。食物好快黎齐，我本身唔食牛，所以冇试，但两位朋友系咁赞呢碟牛炸得好好食。呢度黄金鲜鱿用嘅鲜鱿都算新鲜，同埋份量都足，有十几件。另一道菜炸蚝饼个炸份多得济，蚝仔唔够多，比较失色。送嘅卤水拼盘有红肠，鱿鱼，鹅肠，猪大肠，猪耳，芽菜...每样少少啦，当作头盘小食都ok！因为叫咗好多炸嘢，我地三个都食到好饱，见隔离枱叫卤水鹅好似都几吸引，下次黎食试下先！