維記咖啡粉麵

营业中

休息中

每一次做嘢做到燥燥地， 都会谂下去不同的地方食好嘢， 但系通常都会谂到去深水埗食猪润面。于是乎今日就衬午餐时间有个空档， 去深水埗顺便买野。去到维记排队既人唔多， 一坐低就叫咗一碗润牛面， 冻柠茶。 其实我一路以嚟都发觉一样嘢 ，猪润面的浓度会因为唔同时间唔同舖头有唔同， 有时淡啲有时浓郁一啲，而我就钟意比较浓郁嘅。 虽然出品嘅水准好唔统一 ，但有其实体现咗小店嘅独特性， 唔会好似连锁店咁样一式一样， 多咗一份人情味喺度 ，而且佢好多年都系卖紧三十几蚊一碗， 都冇咩点加价， 我当佢系良心小店㗎啦。