一鍋豐 (已結業)

今日去食呢间主打海鲜火锅套餐嘅"一锅丰",呢度都有成10种汤底, 比起其他任食火锅店选择都算几多, 有辣有唔辣, 同埋个人觉得药膳醉鸡汤烚海鲜系特别好食嘅, 花雕香可以带出海鲜嘅鲜甜味!点菜纸上嘅食物种类超多呀! 肥牛都分左几只,又有滑牛,又有肥牛粒, 牛肉狂已经蠢蠢欲动~任食海鲜都唔输蚀, 海虾, 海蚬, 日本带子仲有丸类, 菜类, 选择超多!秘制香辣酱辣得黎又有啲好似xo酱嘅鲜味,加分! 仲有佢最特别嘅一样野系表明采用李锦记酱料, 成件事令人食得更加放心~锅底到左同时象拔蚌刺身同海鲜拼盘都到左喇~两个汤底都好香,有浓浓花雕香,又刺激嘅麻香味! 象拔蚌刺身,新鲜爽口鲜甜,值回票价啦-鲍鱼要注意下锅时间唔可以太耐, -扇贝沾上麻辣汤嘅味道, 更鲜更甜! -桶蚝好大只,啖啖蚝味!-韭菜饺有惊喜! 啖啖韭菜,猪肉比例刚好,饺子皮又滑~必试一入黎个时已经见到有雪糕雪条雪米糍任食, 雪米糍放15分钟溶溶地咁食超正,系雪米糍嘅最高境界仲有蓝妹啤酒,红酒,白酒任饮, 岩晒一大班朋友黎聚会~