影片
更多
2021-04-02
675 浏览
今日同屋企人四个人去食嘢，8:20去攞位，都知道今日红日应该会好多人，侍应话前面有四五个人，咁等到大约8:50嘅时候门口侍应话埋完单就可以入得，咁我哋写晒纸帮我哋喷晒消毒酒精，等咗一阵个客人出晒嚟佢哋清洁好张枱，见到佢清洁完等咗阵都仲未入得，就见到佢哋有几个人围埋晒一齐喺度倾点样，所以我哋就好奇点解都仲未可以入得，之后个侍应就行出嚟比隔离五个后生女入去先，𠮶五个后生女仲要系迟我哋15至20分钟先黎，所以我屋企人就好嬲，个侍应仲要同我哋讲叫我哋将就吓，等大家都有得食，话重有另一张枱埋紧单，即系叫我哋继续等，但系个问题系你咁讲完我仲嬲点解要我哋将就人唔系应该你哋安排得好啲咩，一系你哋就唔好同我哋讲我哋可以入得，依家唔系我哋冇耐性等系见到你安排得咁差仲要同我哋讲将就吓，讲到好似我哋唔啱，仲觉得自己安排得好好咁，如果系你就唔使围埋几个人喺度倾，仲要俾人见到个下先嬲，如果唔系因为怕屋企人肚饿都真系走咗，9:10分到入去，半个钟都食咗千几蚊就走，不过唯一值得赞嘅就系入面有个叔叔态度好好一直都讲唔好意思，同埋啲嘢食真系来黎好快，我屋企人平时其实都唔会发火，今次真系好嬲
张贴