影片
更多
2019-06-24
63 浏览
今晚去左尖咀打边炉, 黎到呢间成都人气过江龙嘅火锅店｡店内嘅装修非常特别, 用左好多木制餐枱、屏风、板櫈 … 充满浓厚中国风｡Order 纸上提供左好多另类嘅火锅食材, 例如: 一米鸭肠、三秒海带芽、金牌牛黄喉、精品猪黄喉、鲜鸭舌 … 有别于一般火锅酱料, 呢度系推行成都食法, 即系将蚝油 & 醋加入蒜蓉、香葱、芫茜捞匀, 然后再按自己嘅喜好放入特制嘅芝麻香油, 芝麻香油可以令酱料味道大大提升｡菌汤锅虽然成都系出名食麻辣锅, 但同行朋友唔食得辣, 所以 Order 左个菌汤锅｡ 菌汤锅用上大量鲜菇、金菇、香葱 & 火腿片, 汤底味道都几浓｡安格斯肥牛安格斯肥牛色泽红润, 大理石纹清晰可见, 每片都切到好长, 涮完后非常有咬口, 而且牛味浓郁｡脆肉鲩鱼片鱼肉呈乳白色, 绝对可以用 “爽、脆、鲜” 黎形容｡茴香小油条小油条加入左香草, 就咁食有 D 似迷你版嘅油炸鬼, 但一 D 都唔油腻, 如果放落去汤锅, 可以令小油条吸收晒汤锅嘅精华｡手工韭菜饺每一粒都包到非常饱满, 馅料有劲多嘅韭菜, 味道超浓, 钟意食韭菜嘅人一定唔可以错过｡特制鱼皮饺鱼皮饺口感弹牙, 而且啖啖肉, 咬落去 D 肉
店内嘅装修非常特别, 用左好多木制餐枱、屏风、板櫈 … 充满浓厚中国风｡
Order 纸上提供左好多另类嘅火锅食材, 例如: 一米鸭肠、三秒海带芽、金牌牛黄喉、精品猪黄喉、鲜鸭舌 …
有别于一般火锅酱料, 呢度系推行成都食法, 即系将蚝油 & 醋加入蒜蓉、香葱、芫茜捞匀, 然后再按自己嘅喜好放入特制嘅芝麻香油, 芝麻香油可以令酱料味道大大提升｡
菌汤锅
虽然成都系出名食麻辣锅, 但同行朋友唔食得辣, 所以 Order 左个菌汤锅｡ 菌汤锅用上大量鲜菇、金菇、香葱 & 火腿片, 汤底味道都几浓｡
安格斯肥牛
安格斯肥牛色泽红润, 大理石纹清晰可见, 每片都切到好长, 涮完后非常有咬口, 而且牛味浓郁｡
脆肉鲩鱼片
鱼肉呈乳白色, 绝对可以用 “爽、脆、鲜” 黎形容｡
茴香小油条
小油条加入左香草, 就咁食有 D 似迷你版嘅油炸鬼, 但一 D 都唔油腻, 如果放落去汤锅, 可以令小油条吸收晒汤锅嘅精华｡
手工韭菜饺
每一粒都包到非常饱满, 馅料有劲多嘅韭菜, 味道超浓, 钟意食韭菜嘅人一定唔可以错过｡
特制鱼皮饺
鱼皮饺口感弹牙, 而且啖啖肉, 咬落去 D 肉汁仲会爆出｡
菜芯苗
非常鲜嫩, 食落去无渣, 味道清甜｡
红糖糍粑
糯米炸到外脆内软, 口感烟韧, 即使沾上大量黄豆粉 & 红糖糖浆, 都唔会觉得过甜｡
张贴
