成都老碼頭火鍋 (已結業)

前几天用openrice search咗几间边炉都full booking, 揾到呢间有位，就试一试啦。估唔到环境咁有特式，食物一样出色。先讲汤底，羊肚菌竹丝鸡炖汤好浓香，而麻辣要小辣都比想像中辣。所以比正常叫関既辣要低少少。叫了个小锅牛杂，好入味，同香。而且有个火喺下面小小地滚住，好有风味。牛拼盘有2款，叫了平啲𠮶款，都有5，6款牛，不过不失。牛根丸值得一试，有牛味多汁。 最特别叫咗个名菜菊花牛鞭，口感似牛筋，味道唔识形容，未食过可以试下。圣子系意外之选，$58／2只，初头觉得有啲贵，但估唔到咁大只，而且鲜甜。服务方面要赞一下男经理。好醒目sell佢公司既食品，但唔系乱sell,系真好食。 牛杂同圣子都系佢推介。而牛丸本来叫黑松露牛丸，但喺佢推介下改为牛筋丸，平咗之余确系好味。环境真系好有中式气氛，传统得黎真系有装修。另有惊喜系佢有任食生果，仲用高档既蜜瓜同百香果。