影片
更多
2023-10-01
57 浏览
本人后生带埋八十岁高龄婆婆谂住体验下西餐啦，中午陪婆婆覆完诊对面就系呢间餐厅，我地去到系佢地刚刚开铺无几耐首先间野热到娘亲都认唔到，老板娘见我边睇餐牌边拨就话开左个冷气比我，但系我坐左手边佢开右手边嘅冷气😐老板娘叫左个后生侍应同我地介绍menu 最尾决定要左一个招牌龙虾汤，软壳蟹意粉，龙虾春卷，同埋一个唔记得咩咩咩48小时烧春鸡，加两杯果汁（个意粉同烧鸡系可以做套餐，饮品半价，但系只可拣酒精特饮或咖啡，所以我就叫左两杯正价果汁）龙虾汤：不如你地个菜单呢个汤前面加个黑椒字🙏呢个系一份黑椒杂调味料水加小小龙虾肉丝，啲虾肉系点少法呢，夹埋都无十条。成个汤嘅黑椒系多到好似饮左个谭仔小辣咁辣，落啲黑椒辟腥我明，多到饮落去系辣嘅就过份左啰软壳蟹意粉：一只软壳蟹下面铺左黑椒捞意粉系啊 又系黑椒啊，又系好多黑椒碎就咁捞意粉。系我错我想像力丰富，以为个意粉系有汁嘅，错了！系干捞，个意粉完全就系纯黑椒碎捞出黎，连咸味都无，食到最尾系蟹还蟹 意粉还意粉龙虾春卷：唔想讲 讲起就燥底，188一份得五条手指咁粗，手掌短少少嘅春卷，系春卷皮包住一只内地好hit嘅小龙虾碎，即系一只小龙虾切件包系春卷皮入面，跟住配左个
首先间野热到娘亲都认唔到，老板娘见我边睇餐牌边拨就话开左个冷气比我，但系我坐左手边佢开右手边嘅冷气😐
老板娘叫左个后生侍应同我地介绍menu 最尾决定要左一个招牌龙虾汤，软壳蟹意粉，龙虾春卷，同埋一个唔记得咩咩咩48小时烧春鸡，加两杯果汁（个意粉同烧鸡系可以做套餐，饮品半价，但系只可拣酒精特饮或咖啡，所以我就叫左两杯正价果汁）
龙虾汤：不如你地个菜单呢个汤前面加个黑椒字🙏呢个系一份黑椒杂调味料水加小小龙虾肉丝，啲虾肉系点少法呢，夹埋都无十条。成个汤嘅黑椒系多到好似饮左个谭仔小辣咁辣，落啲黑椒辟腥我明，多到饮落去系辣嘅就过份左啰
软壳蟹意粉：一只软壳蟹下面铺左黑椒捞意粉
系啊 又系黑椒啊，又系好多黑椒碎就咁捞意粉。系我错我想像力丰富，以为个意粉系有汁嘅，错了！系干捞，个意粉完全就系纯黑椒碎捞出黎，连咸味都无，食到最尾系蟹还蟹 意粉还意粉
龙虾春卷：唔想讲 讲起就燥底，188一份得五条手指咁粗，手掌短少少嘅春卷，系春卷皮包住一只内地好hit嘅小龙虾碎，即系一只小龙虾切件包系春卷皮入面，跟住配左个泰式生虾酱扮系特调酱汁，中式酒楼个春卷啲虾都多过佢
咩咩48小时烧春鸡：老板娘好巴闭咁话呢只鸡用唔知咩腌左48小时再拎去焗，真心呢个鸡佢比烧味档白切鸡件我我都
无咁嬲，无味无道，又柴，又系配生虾酱，食之无味，弃之可惜，食唔食好呢，又唔想委屈自己食，但系谂一谂个价钱唔食又好浪费，个伴碟罐头黄桃系成碟野最好食。
杯果汁仲过份，呢啲西餐厅不嬲都用现成果汁我知啦，现成果汁都可以无我真系呆左，最尾焗住叫苹果汁
个招牌都写到明龙虾即系主打卖龙虾啦 但系主打都唔好食 可唔可以反省下，同埋唔好成日行埋黎吹水加问好唔好食，唔通我讲唔好食咩 自己观察下啦，虽然我都大乡里出城好少食西餐，但系好唔好食我都分得出唔会因为你扮走中高档路线就盲夸你好食（真中高档路线侍应唔会著到件衫好似对面街酒吧咁露晒肚又喷多多香水）
张贴
