拉麵Jo (已結業)

真系如呢度大家所讲，啲侍应服务态度差，啲嘢又唔好食选择又少，鳗鱼鸡扒饭啲鸡系冇味嘅……只系我哋平时食开𠮶间咁啱今日早收先咁不幸拣中呢间嘢，一入到去有个男侍应安排我哋坐张好窄嘅枱，而且左右两张枱都坐满人，我哋想安静啲坐低倾计，就拣咗坐近门口张枱，点知成餐饭就畀佢哋啲侍应监视住，唔知系惊我哋冇钱畀定食食吓走咗去，之后见我哋一食完有个女侍应就即刻九秒九拎张单过嚟叫我哋埋单，明明隔离张枱个客人都已经食饱好耐坐喺度佢哋又冇叫佢埋单，唯独是叫我哋，我建议你哋如果咁惊不如撤走近门口张枱，又要摆又要监视啲客真系戥你哋辛苦！生意唔好真系有原因，完全唔识尊重啲客人，一定永久blacklist唔会再有下次！边个想试伏兼受气就去试啦！