蓬瀛仙館齋廚

营业中

休息中

年尾去蓬瀛仙馆还太岁，黎到觉得肚饿（因为未食lunch,，就系因为想黎食斋，所以留肚），就入黎食野医肚。下午3-4点冇乜人，不过4：30 last order，食到5点就要走，各位想黎食斋菜记得预岩时间。同埋佢地系唔希望各位带各类荤入黎，各位最好唔好带啲乜肉干肉粒呀，乜鱼丝鱼干之类既野入坐啦。黎到睇睇餐牌，就点左2味菜，一款斋乳猪，另一款西柠汁煎苏卷，再每人十蚊茶位加任食白粥或饭。埋单百五蚊搅掂，要去去柜枱比钱先。简单讲，黎到主要系食粥，啲菜未黎之前，我就倒左三碗粥落口，冇错，真系倒落口，加小小盐，筷子捞匀，唔洗用匙羹，就咁倒。佢地米既比例唔多，算系稀粥，又绵又好味又易入口。倒完一碗倒两碗，倒完两碗倒多碗，如果唔系叫左野食，我谂我倒粥都够饱前后连食𩠌我起码食左七八碗粥。另外两味斋菜就正正常常，份量味道等都系合格以上。乳猪记得点坐低时佢地比茶时附加既酱，咁就最好食。西柠卷小小酸甜酸甜，唔错。不过最紧要系一啖菜加几啖粥，食完啲粥记得出去毕返碗粥埋位先再食菜，包你食到饱。