新明發食家 (川龍街) (已結業)

今次讲依间都有几间分店，平时我会推荐佢嘅蒸鱼套餐，有留意开我之前有讲过佢休鱼期条鱼有几细，同平时比系阿妈同阿仔，梗快食佢阿仔唔太好，所以暂时食佢个盅头饭。其实我最爱食梅菜肉饼，但现今真系揾唔到边间肯个，明明成本低有钱都唔赚！但食鳯爪排骨都几闷，今次食章鱼肉饼。粉唔系落好多，可以接受，章鱼味好浓，但无粗粒，饭较有口感，豉油俾得够，整体其实唔错，唔计纯外卖点心舖，佢比我之前介绍过间平几蚊，地点关系亦都好多人买，而我不是大胃王，只比一般女性食多少少，但这做早餐都不够！个盒已经系细盒，但边位空间多到可以放多几只匙！明明都系大盅，感觉好细盅，以前都无梗夸张，就算宜家未有新鲜猪肉，冰鲜猪贵咗，你都可以转其他款，个肉饼又无细系少个饭，差个几毫成本做坏自己，只能说为少饭一族而设。所以之前批评嘅朋友觉得区内边间真系抵食不防介绍吓，唔系次次都话难食真系好令人担心你有无饭食！当然如果你系超级厨神，只食自己煮嘅嘢，又唔肯开餐厅同人分享，就真系太自私了！