一泡而紅 (已結業)

葵涌广场几时都系咁多人，三楼食街简直系插针都插唔入呀！无他既，平靓正呀嘛！$50件衫，淘宝都未必得啦！今日唔想周围行，决定坐定定开餐~邓妈妈唔知老板系咪姓邓架呢？叫左一个面一个饭，担担面系阿珊既最爱，佢次次食上海野一定要叫，呢个担担面都几大碗，面质唔错，烟烟un un咁，食落几弹牙！我地食得好慢，但都无话发晒涨，呢点唔错㖞!担担面既酱糊糊地，感觉一pat咁，我地叫左少辣所以都几易入口，d汤几好味，阿珊直接饮埋d汤，愈饮愈辣，愈辣愈流汗，正！我叫左个酱烧骨泡饭，因为d汤好热，所以第一啖都几熨口，饭就好味，够林，捞埋d汤好正！酱烧骨有四旧，初初唔知系乜，食落原来系猪软骨，炆得几林，软骨位几多，有咬口，骨胶原好多！但可能系个人问题，感觉上猪软骨汤饭总系怪怪地，猪软骨都系配拉面好！食饱又去全店$50血拚啦！