影片
更多
2018-01-27
7040 浏览
老豆系潮州人，自细就有接触开d潮汕卤味，有言潮汕卤味味甲天下，而生记系我系香港食到最贴近我系以前系乡下食到既口味。生记卤味近地铁西营盘A1出口，有时收工后都特登搭车去买份外卖再返沙田晚餐加𩠌，可想而知我对佢系几咁执著。透过橱窗见到入面摆住既潮汕卤味就觉得好肚饿。好味既野自然多人支持，店内贴满左报章报导，甚至见到前两任特首曾荫权同梁振英都帮衬过。卤水鹅系呢度招牌，味道浓郁得黎唔会咸，一d都唔油腻，鹅肉本身鲜味都冇被遮掩到，经过十几个钟头卤制都好，鹅肉依然有嚼劲。卤猪手加卤水蛋———卤水蛋好掂，经过卤制后鸡蛋索尽卤水汁既味道，食起黎好香甜，咸淡适口，嚼之有劲，一d蛋腥味都冇。猪手好Q弹，一咬落去就feel到丰富既胶原蛋白质，猪皮韧而不硬而肉唔会鞋，连d骨头都有味道。猪头肉盖饭，猪头肉本身会有种异味，但系生记处理完冇晒d异味和肉腥味，香浓味美，肥肉酥烂不腻。而饭系长身米，好干身粒粒分明，系我中意既口感。鹅肝大肠双拼饭，鹅肝齿颊留香，超级粉嫩；卤水猪大肠冇肥膏，卤水味入晒去，冇臭猪味，越嚼越香，配埋咸酸菜好开胃惹味。整体而言，生记真系食潮汕卤味既首选，黎亲都一定要排队。店唔起眼但名气大。外卖一
透过橱窗见到入面摆住既潮汕卤味就觉得好肚饿。
好味既野自然多人支持，店内贴满左报章报导，甚至见到前两任特首曾荫权同梁振英都帮衬过。
卤水鹅系呢度招牌，味道浓郁得黎唔会咸，一d都唔油腻，鹅肉本身鲜味都冇被遮掩到，经过十几个钟头卤制都好，鹅肉依然有嚼劲。
卤猪手加卤水蛋———卤水蛋好掂，经过卤制后鸡蛋索尽卤水汁既味道，食起黎好香甜，咸淡适口，嚼之有劲，一d蛋腥味都冇。
猪手好Q弹，一咬落去就feel到丰富既胶原蛋白质，猪皮韧而不硬而肉唔会鞋，连d骨头都有味道。
猪头肉盖饭，猪头肉本身会有种异味，但系生记处理完冇晒d异味和肉腥味，香浓味美，肥肉酥烂不腻。而饭系长身米，好干身粒粒分明，系我中意既口感。
鹅肝大肠双拼饭，鹅肝齿颊留香，超级粉嫩；卤水猪大肠冇肥膏，卤水味入晒去，冇臭猪味，越嚼越香，配埋咸酸菜好开胃惹味。
整体而言，生记真系食潮汕卤味既首选，黎亲都一定要排队。店唔起眼但名气大。外卖一份卤味，带返屋企配啤酒，简直就系一种享受。
张贴
