影片
更多
2017-06-18
1695 浏览
今日落大雨，陪阿妈黎旺角攞衫，阿妈话附近有间拉面店经常有人排队，谂住咁大雨又差不多两点几，应该有位卦，就去碰吓运气。面店虽然喺旺角但其实系喺比较外围嘅洗衣街𠮶边，但仍然要排队。前面大约有十人，好在同时有几枱客食完走人，所以等左10分钟左右就入得。等位𠮶阵，店员俾左张纸我地点嘢食。咦? 点解系沾面唔系拉面? 原来呢间面店好特别，日间只做沾面，夜晚就系拉面。好在阿妈话never mind，反正未试过食沾面，就试吓(其实我自己都未食过)。阿妈点咗蕃茄海虾沾面，我就点咗焙煎黑芝麻沾面汁，我冇食早餐，所以加左面底同埋半熟鸡蛋。面店内在环境真系好地道日本feel，阿妈话「好似我煲剧经常见到啲上班族默默地又「擒擒青」食面嘅面店。」一入到店就已经听到几声响亮嘅いらっしゃいませ！而且店员经常以流利日文交谈，真系以为入左随意门去咗日本食面。周围都系啲日本动漫画海报、装饰、吧枱前面仲有啲action figures。上菜时，店员会俾返张点餐纸你离店时埋单用，食完可以喺「客人意见」栏度写吓comment。餐厅写埋回覆就贴咗上墙度，唔系净系拣赞𠮶啲贴架，好有heart!!有好多客人仲喺点餐纸后面画公仔，餐厅会贴
等位𠮶阵，店员俾左张纸我地点嘢食。咦? 点解系沾面唔系拉面? 原来呢间面店好特别，日间只做沾面，夜晚就系拉面。好在阿妈话never mind，反正未试过食沾面，就试吓(其实我自己都未食过)。阿妈点咗蕃茄海虾沾面，我就点咗焙煎黑芝麻沾面汁，我冇食早餐，所以加左面底同埋半熟鸡蛋。
面店内在环境真系好地道日本feel，阿妈话「好似我煲剧经常见到啲上班族默默地又「擒擒青」食面嘅面店。」一入到店就已经听到几声响亮嘅いらっしゃいませ！而且店员经常以流利日文交谈，真系以为入左随意门去咗日本食面。
周围都系啲日本动漫画海报、装饰、吧枱前面仲有啲action figures。
上菜时，店员会俾返张点餐纸你离店时埋单用，食完可以喺「客人意见」栏度写吓comment。餐厅写埋回覆就贴咗上墙度，唔系净系拣赞𠮶啲贴架，好有heart!!有好多客人仲喺点餐纸后面画公仔，餐厅会贴堂架。
等食期间可以先睇吓食沾面SOP，连SOP都用漫画表示，仲有中、日、英文版本。
鱼介豚骨焙煎黑芝麻沾面 - 超级浓厚嘅黑芝麻沾面汁，一上枱已经闻到好香芝麻味，质感就好似甜品芝麻糊咁，食落好有芝麻特有嘅咸香味。面条好爽够烟靭，加咗面底真系好大碗面，虽然我系肚饿状态但最后都食唔晒……
鱼介豚骨焙煎黑芝麻沾面
34 浏览
0 赞好
0 留言
原来配菜可以因个人喜好选择，可以走笋、走蛋或走叉烧，不过我食食吓先望到，建议餐厅可以喺点餐纸注明。
鱼介豚骨蕃茄海虾沾面 - 又系一上枱就闻到浓烈虾味，问阿妈整左两啖试吓，未食𠮶阵有啲担心蕃茄味会盖过虾味，但食落觉得两种味道都完美地平衡，真系いちばん架哩。
鱼介豚骨蕃茄海虾沾面
25 浏览
0 赞好
0 留言
哈，全部都系虾~
另加$25额外多三块叉烧，三块都好大块，而且肥瘦均匀，一大块咁食比起一粒粒更满足。
叉烧
$25
17 浏览
0 赞好
0 留言
一加落去𠮶吓就嗞嗞声，然后碗汁就即刻冒烟，可以继续热住食~记住呀，啲热石系唔可以食落肚架……
沾面汁嘅特色系味道浓厚，餐厅亦好贴心，摆咗壸柠檬水，中和吓味道~
连咁钟意食拉面嘅鸣门都直竖姆指，揾晚一定要拉埋阿妈嚟试埋个拉面。
张贴
