富華燒臘飯店

营业中

休息中

系红磡返左工咁多年，之前都只系黎过一次食早餐咁大把，仲系食沙嗲牛面太阳蛋，无咩特别，大路安全，无问题。依家先正正式式去试佢地既出品，见日日都排长龙，应该唔会太差挂 ~菠萝沙嗲牛肉炒河，卖相真系麻麻，但味道还可以，唔记得叫佢要兜混添，仲有个问题系无镬气，唔够热啰。河粉就几好，非常完整，唔会碎湿湿，都系同样问题，唔热啰，只系暖暖地。味道偏甜，鲜牛口感算嫰滑，无煮过时。整体黎讲可以啦，系平实无咩惊喜啫。炒饭底，油就油左啲，不过好有镬气，热腾腾，有功架有技巧，炒到啲饭一粒粒分开，绝唔会一旧旧或湿答答，每粒饭都有蛋包住，炒得非常香口，劲 ﹗咖喱牛腩，一睇都知层经雪过，肉色程深啡色及已无咩水份干干地，虽知炆肉要放过夜先入味，先会更软腍，但心理上点都有啲怪怪地，因我好怕食煮完雪过再翻煮既食物。食落都炆得入味，口感算腍，系干啲啰。咖喱味香浓，港式中上级，几好。