Hello Kitty le petit cafe (已結業)

趁住皇室堡有Hello Kitty event，去完影相之后就顺便嚟埋哩到食Tea，嚟到发现哩到系冇座位系要立食嘅，不过冇问题，因为d蛋糕同马卡龙太可爱喇，所以冇影响心情，我同老公谂咗好耐都唔知食咩好，不过好彩有哩到嘅热情店员细心介绍，最后我地一人买咗一件蛋糕同一杯饮品喺到用餐，老公拣嘅朱古力蛋糕一般好味，我拣嘅红苹果蛋糕好好食，甜味刚刚好，中间有我最钟意嘅玉桂粉加苹果做馅，感觉很开心很梦幻，饮品一般（冻嘅朱古力oreo特饮同埋热嘅 Latte ），叹完个tea之后，忍唔住再买咗四粒马卡龙返屋企食，我买咗伯爵奶茶口、橙、朱古力同埋云呢拿味，其中橙味最香最好味，其次好味嘅系云呢拿味