新三興茶餐廳 (已結業)

新三兴呢间老店，但我和少奶在近几才开始光顾。除了有时会在午市食炒粉面，我地都会黎食早餐。不过这里的即食面通常会煮得太淋，所以唔系我地杯茶。平时在这里吃早餐最爱肠粉，尤其系猪膶肠和虾肠，连热饮都系$16。虾肠有时系预先造好的，粉皮会较硬，虾也相信是雪藏货，但够大只而且好爽口。猪膶肠就必定系即拉的，所以要等耐d，但上枱时热辣辣，猪膶也很爽口，刚刚熟，不会生也不会太老。讲真，响我地心目中，呢度d肠粉好食过好多酒楼。呢度仲有个奇景，有时晚市时段，有人会食食下碟头饭，突然庆起就叫多碟肠粉食下。不过，早市和晚市的肠粉可能由不同人拉制，水准也有一点分别。早市由粥的阿姐负责，水准较佳，而且售完即止，有时晏左去就无得食。晚市则由厨房负责，有时粉皮的厚薄和软硬较飘忽。但整体而言，还是不错的。呢度老店d伙计都系中年以上，但好有人情味，不时同客人打牙骹。有次有位小朋友要饮冻朱古力，餐牌上无，伙计叔叔就话不如饮冻华田啦，见小朋友有点犹豫，伙计就话冻华田系冻朱古力既阿哥黎架，咁就搅掂左啦，我同少奶地坐响隔离笑曝咀除左食物，我地就系钟意呢份人情味。