澳瑪葡國菜 (已結業)

行经过见到有架车仔，话系传统葡挞，材料做法都好地道，搞到我同老死心思思，决定食完午饭返黎试一个。葡挞 $13好食！味道方面真系好丰富，而且有少少流心感觉，系偏甜既，未必岩个个口味。好可惜既系，可能因为系平日下午四点几人流唔多，所以葡挞放耐左，只系暖暖地，否则我觉得呢个葡挞真系最接近澳门食过最好食个D。见到餐牌好吸引，而且景色十分唔错，午餐又好似好多选择，下次可以黎试下正餐㖞！