影片
更多
2017-03-06
5355 浏览
约左多次喇，终于成行﹗一众同事相约打边炉聚会，啤啤去放松一下。六点收工要磨到八点实在有点困难，唯有游铁河啦 ﹗先搭巴士到尖沙咀天星码头，可以瞓返十几廿十分钟叉叉电先，转地铁搭去荔景再转去奥运站，步行走到力奇都只系 7 点半乍，又系我最早到呢。最初阿婶比张对住门口既细台我，但根本容纳唔到我地七个人呢，唯有自己再揾过。皇天不负有心人，比我发现柱边有张大台睇位，即刻叫支啤酒休息下先。地方都好大㖞，不过只有一个门口又无窗，声音完全困系里面，非常吵耳。幸好空气流通，有 6 格独立厕所都尚算干净。客路比较粗豪没怎么礼貌，我已经拣到去厕所对出，见附近都系斯文一点的食客先坐低。谁知后面黎左个瘦佬，走过黎问都唔问就拿走我地张櫈，真系过份 ﹗算数，今晚我地黎开心聚会既。猪骨煲，真材实料满到泻呀 ﹗劲大量蕃茄、芹菜、冬瓜、萝卜、粟米、南瓜，极浓香甜猪骨汤，真系美味又抵食 ﹗大大旧桶骨仲要劲多肉，难得一见，肉质棉棉弹牙，还有骨髓比我啜，好满足啊 ﹗除左桶骨遇有猪脚，煲到外皮非常棉滑带胶，另外仲有鸡脚指损添，非常丰富啊。美国肥牛大，我还以为会用 cheap cheap 美国肥牛，烟肉一样肥腾腾既肥牛，但竟然会系
最初阿婶比张对住门口既细台我，但根本容纳唔到我地七个人呢，唯有自己再揾过。皇天不负有心人，比我发现柱边有张大台睇位，即刻叫支啤酒休息下先。
地方都好大㖞，不过只有一个门口又无窗，声音完全困系里面，非常吵耳。幸好空气流通，有 6 格独立厕所都尚算干净。
客路比较粗豪没怎么礼貌，我已经拣到去厕所对出，见附近都系斯文一点的食客先坐低。谁知后面黎左个瘦佬，走过黎问都唔问就拿走我地张櫈，真系过份 ﹗算数，今晚我地黎开心聚会既。
猪骨煲，真材实料满到泻呀 ﹗劲大量蕃茄、芹菜、冬瓜、萝卜、粟米、南瓜，极浓香甜猪骨汤，真系美味又抵食 ﹗大大旧桶骨仲要劲多肉，难得一见，肉质棉棉弹牙，还有骨髓比我啜，好满足啊 ﹗除左桶骨遇有猪脚，煲到外皮非常棉滑带胶，另外仲有鸡脚指损添，非常丰富啊。
美国肥牛大，我还以为会用 cheap cheap 美国肥牛，烟肉一样肥腾腾既肥牛，但竟然会系高级肥牛㖞，有质数有料到 ﹗美味极致，牛味甜美无比，肉质娇嫩，牛汁丰富，无得顶 ﹗切得厚薄刚刚好，特别有咬口、特别多肉汁，正到痺 ﹗鲜肥牛，无得顶，食到停唔到手 ﹗比美国肥牛更鲜甜更嫩滑，牛味更浓，我完全投降喇 ﹗
鲜猪粉肠，我都系第一次跟鲜猪粉肠邂逅，加工过既就食得多。颜色嫩红，彷似刚刚㓥出黎一样，真系劲新鲜。鲜味霸道而突出，味道不错。不过烚极都劲韧，好难赵啊，少点牙力都赵唔到，系咪有秘技去烚架？
三宝手打丸，唔想叫滑就叫丸啦，都系依三款之麻，鲮鱼、鲜虾、墨鱼。鲮鱼丸起晒胶，弹中带黏，淡淡鱼味，不错。鲜虾丸烚熟变成橙色，我真系认唔到佢呀，一般都系白色架麻，好明显不是用白虾仔造的。
虾味特浓，爽中丰弹性，好想食多几点呀 ﹗墨鱼丸比较平凡，都滑滑弹弹既，腌美宜人，好味。炸鱼皮，松脆香口，一咬卜一声，食得过瘾。我略厌有点过咸，浸汤更适合我。
大白鳝半条，非常新鲜爽弹，有同事以为系脆鲩添呀 ﹗肥美可口，鱼脂甜美，高质。火鸡子还可以，当然新鲜鸡子先系极品。西洋菜、唐蒿爽甜翠绿，梗系好味道。
美国桶蚝，我连食三只，桶蚝饱满而蚝汁甘甜，难得大大只裙边及带子位仍然嫩滑无渣，可以全数收到肚里去。桂花蚌，灼一灼成条掉入口，甜到不得了，又爽又脆，good good good ﹗每样食材都实在太过好食喇，唔得闲影相，杀呀 ﹗
我预计每人要 $500 蚊架，依家 $300 有找，仲要食唔晒，抵食到出奇，不能形容。系条鳝最贵，不过如果去街市买一条闲闲地都 $400 蚊呀。碟碟大大份，仲要有鲜嫩蔬菜垫底，唔会系菜头菜尾，实在太感动喇 ﹗
蓝妺
121 浏览
0 赞好
0 留言
猪骨煲
332 浏览
0 赞好
0 留言
猪骨煲
265 浏览
0 赞好
0 留言
美国肥牛大
215 浏览
0 赞好
0 留言
鲜肥牛
156 浏览
0 赞好
0 留言
鲜猪粉肠
118 浏览
1 赞好
0 留言
三宝手打丸
96 浏览
0 赞好
0 留言
炸鱼皮
111 浏览
0 赞好
0 留言
大白鳝、西洋菜、桂花蚌
126 浏览
0 赞好
0 留言
张贴
