一起 (已結業)

星期日放假成日去大角咀揾食既我，今次走到入去富荣花园食串烧。各位朋友仔去大角咀除左去果几条食街之外，不妨行多几步入黎试试呢间又平又好味既串烧店。店内有好多坐位，可以一班好友"一起" 食串烧。重点推介：蒜香清酒烤焗活蚬$68餐厅推介叫我食，好彩答应佢叫左黎食，真心真系整得好好。蚬肉大只肥美，完全无沙，清得好干净。真系食到香酒味，我好钟意，下次再黎食一定会再叫呢个蚬。蒜蓉烧原条茄子$48好味，配蒜蓉无得输！香烧孜然韭菜$16，川烧翠玉瓜$16韭菜嫩，翠玉瓜烧完依然充满水份。盐烧鹿儿岛一口豚$32鹿儿岛豚肉烧得刚刚好，肉质保持软嫩。麻辣手拍青瓜$28唔食得太辣既我接受到。孜然烧鸡中翼$24烧鸡翼！我钟意食！当然系烧得好香口啦。盐烧虎虾$28，炸鸡脾肉串$18，蜜糖烧台湾肠$18，盐烧鸡软骨2串$28，山椒烧猪颈肉串$26，汁烧脆边五花腩$18个五花腩真系烧到脆脆的，鸡软骨好味岩我心意，其他都好好。叫左咁多都只系3百几蚊，真心好抵食。