潮式腸粉 (已結業)

****以下纯属个人意见, 或者拣唔岩时候去啦***估唔到第一次写食评就系比负评....去到唔使等位 但系等左成几分钟先有个姐姐行出黎可以写野叫左潮式肠粉, 炒粿汁, 另外本来仲有一碗薏米粥上菜速度都几快 首先食左个肠粉先 觉得 始终食唔惯潮式口味 因为里面虽然好多料 但系除左虾米同肠粉之外, 我几乎食唔出有咩馅.....另一个炒粿汁 个味有D似干炒牛河, 仲有个扎肉, 同埋大量芽菜, 叫做算系咁啦最后薏米粥到我食完走果刻都冇黎到 埋单果时叫男朋友同佢讲 佢话扣返 男朋友另转头问我个数目岩唔岩老板即刻黑晒面同唔多好语气咁话扣返你个粥咪几钱几钱啰 行左出门口发觉老板用个唔系几"老黎"嘅眼神望住我地 真系唔会再有下次成个场上至老板下至楼面都赌紧马 我到底去左马场定系潮式肠粉？