影片
更多
2022-10-02
2755 浏览
📌 温野菜 - 九龙塘达之路80号又一城低层地下1楼29号舖🗓(1/10) 星期六 ⏰ 下午12:45左右 💈特式：放假又国庆出去行下，今日去到九龙塘又一城，谂紧想食咩lunch就见到温野菜，呢间火锅我每次去亲日本都肯定会食一次，嚟紧book到2023先可以去大阪，咁就而家系香港食返次先。温野菜你香港有4间分店，但只有铜锣湾先有做放题，今次系九龙塘呢间咁啱假期就系食佢个假日menu set。🥩🍔🌭🌮🥗🥯🥘🍲🍝🍣🥟🍤🍱食物：今次叫左佢个假日午市定食美国．英国牛定食，价值$188，等我同大家讲下味道先......汤底 - 因为系一人一锅，所以就选择左两个唔同汤底，一个系唔洗另加钱嘅昆布汤底，一个就加$10要左寿喜烧月见汤底。昆布汤底就差唔多系清水加几条匙昆布，无咩想讲😓；寿喜烧就几正宗嘅味道但有少少太浓，不过只蛋就真系一定系日本蛋，一食落口就知，完全唔同其他国家蛋，又浓又香。牛肉 - 个set如果唔加钱就已经食到3款唔同嘅牛肉，包括美国牛肋肉/美国牛胸腹肉/英国安格斯牛肋肉，每碟都有大约5片，味道我就觉得英国安格斯牛肋肉最好食，油脂比率最丰富，其次系美国牛肋肉，最普通系美国牛胸
🗓(1/10) 星期六 ⏰ 下午12:45左右
💈特式：放假又国庆出去行下，今日去到九龙塘又一城，谂紧想食咩lunch就见到温野菜，呢间火锅我每次去亲日本都肯定会食一次，嚟紧book到2023先可以去大阪，咁就而家系香港食返次先。温野菜你香港有4间分店，但只有铜锣湾先有做放题，今次系九龙塘呢间咁啱假期就系食佢个假日menu set。
🥩🍔🌭🌮🥗🥯🥘🍲🍝🍣🥟🍤🍱
食物：今次叫左佢个假日午市定食美国．英国牛定食，价值$188，等我同大家讲下味道先......
汤底 - 因为系一人一锅，所以就选择左两个唔同汤底，一个系唔洗另加钱嘅昆布汤底，一个就加$10要左寿喜烧月见汤底。昆布汤底就差唔多系清水加几条匙昆布，无咩想讲😓；寿喜烧就几正宗嘅味道但有少少太浓，不过只蛋就真系一定系日本蛋，一食落口就知，完全唔同其他国家蛋，又浓又香。
牛肉 - 个set如果唔加钱就已经食到3款唔同嘅牛肉，包括美国牛肋肉/美国牛胸腹肉/英国安格斯牛肋肉，每碟都有大约5片，味道我就觉得英国安格斯牛肋肉最好食，油脂比率最丰富，其次系美国牛肋肉，最普通系美国牛胸腹肉，虽然佢已经系3款之中最普通，但都好食过香港其他日式火锅嘅中高级数牛肉。
温野菜盛盒 - 佢d蔬果好新鲜，店只有讲系由日本直送，系日本食个时好钟意食呢d不同种类嘅蔬菜，虽然无系日本食时咁好食，但都好新鲜。
配料 - 跟餐仲有墨汁墨鱼丸同年榚条，不过就系普通野，无乜特别。
免冶鸡肉 - 呢个我特登加$22加配，因为系日本食过呢个免冶鸡肉好好食，入面仲会有d软骨，好有咬口。
☕️🍵🥤🧋🍺🍷🥃🍹🧉🍾🍶🥛
饮品 - 跟餐会有汽水/乌龙茶/梳打水/姜味汽水/柚子茶等等。
🍽环境：餐厅环境唔错，2人会提供一张用隔板分隔的6人枱，所以枱面空间都足够，坐得都舒服，餐厅抽气做得好好，室内无乜油烟味，亦唔会烟雾离漫。
🤵🏻🤵🏻♀️🤵🏻♂️服务：职员服务唔错，不过可能因为假日，餐厅都爆场，佢地好明显忙到踢晒脚，但都仍保持到良好服务态度。
💰💸价钱：叫左个两人set埋单唔洗$450，虽然任食，但个餐都食到我肚饱饱，食物质素又好过一般日式火锅，环境都舒适，所以都属终合理范围。
🐲💬总结：无得去日本食当地嘅温野菜，有时系香港不妨食返一餐半餐，$200多d又唔系太贵，所以都可以时不时去食下。
推荐指数：❤️❤️❤️❤️🤍
张贴
