億饍 (已結業)

有睇开我文既人都知我好耐之前已经去过亿饍品尝佢既靓菜大获好评。今日我又返黎啦.... 今次目的只有一个，就系饮汤进补呀。第二次黎心情好紧张呀!今次黎佢又有新野出，果然没有令我失望。亿饍时时刻刻都保持上进心，值得赞扬。仲有其他多国菜同唔同既小食中越泰大杂汇咁款，真系好正架。好明显我今次只系想饮汤啦...即上呀，系超级靓汤。无味精无鸡精无白骨精既最强靓汤。花胶乌鸡香菇炖汤，鸡味已经浓浓咁钻入左汤水入面，带有丁点既香菇香，从香味带出菇味，花胶唔会太多遮盖左鸡既精髓，搞到我都好想返屋企自己煲呀！绝对推荐大家一试。之后都叫左有海南鸡饭(半只) 同埋其他小食。男朋友仲好似怕我唔够饱，神秘地叫左碗甜品比我。系咁叫我食多几淡。原本系椰汁蛋白炖燕窝...... 椰汁好重味，依稀地食到一粒粒既燕窝碎。好正呀!叫既时候店员仲好好心地提醒要20分钟等待时间。上桌时真系热辣辣架，差D辣亲嘴，认真地系即叫即整。呢间餐厅已经变成我养生之地。一定会黎第三次。