Lara Lara (已結業)

第一次去油塘，就係為左幫襯呢間小店🫶🏻呢度既「我口飲我諗」menu可以將你最天馬行空既想像放哂入飲品，配搭層出不窮！我好驚飲甜野，叫左穩陣配搭桂花烏龍•荔枝醬•蘆薈，茶香加上清甜荔枝味同蘆薈口感，真心好飲🙆🏻‍♀️聽講奇怪配搭好似抹茶•朱古力•芋圓都有驚喜，大家可以去挑戰下！店家亦有創作招牌飲品KB824，以青檸梳打同蝶豆花為基底，用紫色黃色紀念kobe bryant🥺除咗手搖飲品，小食糖水性價比都好高😍掃街必食魚肉燒賣，超級nice店員知我鍾意食辣貼心地放埋辣渣鋪面，每一粒燒賣都夠辣勁🔥腐竹蛋薏米糖水好足料但唔怕太甜，行過買返碗都係$12抵到爛！店內有兩個位置分別擺左唔同種類懷舊餅乾同鹹濕零食，仲提供試食俾你試到啱先買🥰揀左辣味蝦子春卷同埋由細食到大既南乳餅乾，兩包都超級香脆🤤