影片
更多
2015-03-06
657 浏览
早几日去左将军澳呢间spaghetti 360 到食饭可能因为系平日啦，夜晚食饭都唔使等好耐，十分钟左右就入座，将军澳区既餐厅黎架算系唔错。由于今次系同妈妈去食，所以简野食呢啲重任都轮唔到我去做架啦。妈妈懒懒地就简左个闲适二人餐，睇落系几好食既，但好似唔算多野食。。都系汤，汤律，一人一个主菜，同埋杯野饮，系连甜品都冇个既。不过算啦妈妈钟意，就嗌黎试下啦。首先黎到既系个汤，我同妈妈都系简左忌廉汤既。饮落去几浓几香，都几足料架，但系都未算系咩特别好味既，正正常常咁啦。之后就系个野菜杂果沙律啦。成个沙律最特别既地方就系啲菠萝，咬落又甜又多汁，饮完个汤食一啖即刻都冇咁滞呀。二人份量黎讲都几大碟下，虽然野菜杂果真系好清新，食落都好好味，但自问都几大食既我 系饮完汤同食完沙律之后都开始有饱饱地既感觉。系主菜黎到之前呢，两杯特饮话咁快已经黎到。我嗌左北海道十胜红豆冰配雪糕，妈妈嗌既系鲜柠奇冰。嗌完杯红豆冰之后我有少少后悔，唔系佢唔好饮，而系我饮下饮下就好快饱。建议唔太食既女仕们就唔好选择佢啦，你饮完就饱架啦，但如果你当佢系一个甜品既话呢，都系一个唔错既选择黎既。另外杯鲜柠奇冰呢我就冇饮过啦，不过妈妈
早几日去左将军澳呢间spaghetti 360 到食饭
可能因为系平日啦，夜晚食饭都唔使等好耐，十分钟左右就入座，将军澳区既餐厅黎架算系唔错。
由于今次系同妈妈去食，所以简野食呢啲重任都轮唔到我去做架啦。妈妈懒懒地就简左个闲适二人餐，睇落系几好食既，但好似唔算多野食。。都系汤，汤律，一人一个主菜，同埋杯野饮，系连甜品都冇个既。不过算啦妈妈钟意，就嗌黎试下啦。
首先黎到既系个汤，我同妈妈都系简左忌廉汤既。饮落去几浓几香，都几足料架，但系都未算系咩特别好味既，正正常常咁啦。
之后就系个野菜杂果沙律啦。成个沙律最特别既地方就系啲菠萝，咬落又甜又多汁，饮完个汤食一啖即刻都冇咁滞呀。二人份量黎讲都几大碟下，虽然野菜杂果真系好清新，食落都好好味，但自问都几大食既我 系饮完汤同食完沙律之后都开始有饱饱地既感觉。
系主菜黎到之前呢，两杯特饮话咁快已经黎到。我嗌左北海道十胜红豆冰配雪糕，妈妈嗌既系鲜柠奇冰。嗌完杯红豆冰之后我有少少后悔，唔系佢唔好饮，而系我饮下饮下就好快饱。
建议唔太食既女仕们就唔好选择佢啦，你饮完就饱架啦，但如果你当佢系一个甜品既话呢，都系一个唔错既选择黎既。
另外杯鲜柠奇冰呢我就冇饮过啦，不过妈妈话唔会太甜唔会好酸，都几解滞几好饮，怕滞可以选择佢!
系我饮到饱饱滞滞既时候，个主菜终于黎啦，呢个系日式芝麻酱鸡肉意粉，佢话1.7mm啦但我都唔系好食得出有咩分别。
重点系，呢个意粉真系好香好浓，少少甜甜地既味，睇落好简单，但系味道十分之香，可能都系因为佢够足料啦。
唯一既缺点就系，又系滞既。
所以我同妈妈食哂碟意粉之后已经十分之饱。
不过，其实个餐仲有一个主菜系未黎架，呢个系芝士焗牛油果海虾蟹棒300度热石锅墨鱼汁饭，个名好长，落单𠮶时都几似玩紧急口令，所以我系直接指住个餐牌黎落单既。
好啦讲番个饭，真系睇个样都觉得佢好滞，又芝士又墨鱼汁咁，加上我同妈妈食完个意粉已经好饱既原故，我地系决定将佢打包番屋企俾未食饭既哥哥既。
后来我哥哥都向我表示，翻热既墨鱼汁饭都系好食既。我唔知系真系好食定因为佢肚饿啦，但我相信堂食应该会唔错，除左好滞之外。
总括黎讲呢，呢个二人餐系好饱好抵食既，唔太大食既朋友可以三个人食都够饱，再唔系加多个小食加多杯野饮都得。
到埋单既时候我妈妈就发现左原来系可以入会既，佢见间野几好食又近近地就打算入会拎下啲优惠啦，我地问店员点样入会既时候，店员都好有礼貌同心机咁解释啲优惠俾我地听，原来呢间野系同spaghetti house同一个集团既，即系张卡去到spaghetti house食野都有折。$450入个会又送啲$100卷呀小食卷咁，仲要食饭都有8折9折，视乎系咪五六日或者假期啦，我地见几抵㖞，咁就俾左$450佢啦。
入完会之后店员仲好细心咁提我地，边张优惠卷系即时可以用既，200几蚊个餐再加一，我地用左张$100卷，仲有个8折，都真系几抵食架。
讲左咁耐，呢间铺除左野食好滞之外我都几钟意既，想试啲特色野既朋友不妨一试。
附上店内环境 啲位都几舒服，设计唔错。
张贴
