方叔叔重慶老火鍋 (聚賢逸居) (已結業)

我哋两个打边炉爱好者，真系一年365都会想食，最近个人口淡淡，想刺激下味蕾😄今日order咗鸳鸯汤底，普通辣拼皮蛋香菜汤，汤底好正，普通辣已经好劲😆麻香十足，大大条芫荽嘅汤底好清新，皮蛋份量仲好足添！打边炉一定要食时令食材，今次系小水母（即系海蜇）和鲜活海蛏，水母嘅形状好得意，半透明，滚1分钟就食得，质感有少少似蒟蒻，爽口弹牙。海蛏无沙，好干净，只只饱满，入口新鲜甘甜，必食食材！呢度所有嘅火锅材料都可以order半份，或者一份，对我哋两个人嚟食，就可以食多啲款式。今次其他新鲜食材仲有: 鲜鹅肠、嫩牛肉、干贡菜、白鳝片、串鲜虾、鲜鱼膘、韭菜猪肉水饺、大刀笋片、鲜腐竹、莴笋条、淮山条、皇帝菜、桂花蚌、油条款款都好新鲜，唔会有雪藏味🫶🏻特别一提: lunch hour系免汤底🙌🏻CP值超高。