坤記糕品專家 (已結業)

因为工作关系，返到石硖尾 - 我成长的地区，工作到7点左右就行落去深水埗搭地铁回家。行到地铁站口见有D肚饿，见到坤记系隔离，咪谂住买件由细个就开始钟意食嘅白糖糕医医肚，再返屋企食饭。原来一件白糖糕要$9，都颇贵吓，但自己钟意食，人哋又系几十年老舖就算啦。件白糖糕细细件、的的骰骰，不太甜但带轻微酸味，心谂其他人整就带酸啫，以前食坤记嘅都唔觉㗎，唔同退步咗，成$9件𠮶噃...仲有件白糖糕食落质感不太夹偏糊口，一定无下次。到夜晚12点几时，个肚开始紧，顶住顶住咁，突然想呕就呕咗三、四次，将晚餐食嘅呕哂出嚟，之后断断续续地呕，总共呕了三十几四十次，另外屙咗五次水...中间时候问过了医生朋友，佢都话唯有呕清、屙清D菌，佢都唔建议食止屙、止呕药...去到2点半先停止，成个人散晒无哂力...重点系，我一日三餐都系同屋企人食，佢哋无事，只系我比佢哋食多咗件白糖糕就出事，呢个过程好痛苦，永世难忘。我唔多写食评，因为我觉得有麝自然香，但我唔希望其他人有我同样嘅经历。