柒拾年代 (已結業)

呢间柒拾年代既服务简直不得了，我食完都唔会再帮衬。之前听过好多街坊讲话唔错，咁上星期有朋友入黎咪去试吓。果日就坐左系露天出面，谂住有个靓位食下野啦。有个上左年纪既男经理问我哋饮咩茶之后就失咗踪，叫左啲点心又全部上错晒。叫个男经理跟下啦，净系识得讲得啦，得完之后啲点心都系错既。都唔知呢间餐厅点请人，另外啲女侍应个个都好似梦游咁，叫左好多次加水都冇人理。食野食到一肚气，打算去埋单，又冇人理，要我地自己出去埋单。跟住个收银更加不知所谓，问佢张单食咗几多钱，佢叫我睇饱佢。哗！真系大开眼界，我嚟消费俾钱仲要睇佢面色。呢间餐厅请着呢啲人我以后都唔会再嚟帮衬。