每日が日曜日 (已結業)

见到大埔有新拉面特登揸车过嚟食。今晚我第一个客，基本上叫你坐低之后净系摆低个落单QR code就走。唔紧要，我嚟食嘢嘅啫，最紧要好食。叫咗碗黑蒜油豚骨拉面，一食落去以为自己中咗肺炎冇味觉，得啲猪油味完全冇咸味嘅？再食多半嚿笋，都系冇味。唔通呢啲先至系正宗拉面我唔识食？真系从来未试过，谂咗阵都系顶唔顺细细声问 waitress 妹妹个汤系咪冇落盐？（𠮶阵有第二枱客入咗嚟，费事大声佢尴尬) 点知阿妹喺厨房大大声话个客问系咪冇落盐😂 好快师傅出嚟小黑面攞返碗面走话再整过，咁我就食住小食鸡皮饺子等，呢个小食 ok 嘅。好快上过另外一碗，正常，颜色深咗，好明显第一碗佢完全唔记得落酱油，师傅摆低𠮶阵讲咗句：唔好意思呢碗应该 ok 㗎啦。讲返碗面，好一般，汤唔够，笋真系冇味。叉烧正常表现刀功𠮶只，蛋正常。冇下次。