金公館 (已搬遷) 新店位置

好朋友住湾仔多年，每次喺铜锣湾睇完戏，佢都会带我地捐窿捐 la 揾好嘢食，今次就系鹅颈桥附近内街外面冇乜特别，一踏进店内，感觉装修好有特色，同埋老板可能系三国演义嘅粉丝用*爵*来饮茶我都系第一次。坐低先叫啲小食凉菜，蒜泥白玉 $88 。menu 里面有招牌菜推介，名字十分漂亮，叫做金缕玉衣 呢！系我见过最靓嘅摆盆，青瓜跟白肉切成长条片状，食嘅时候再夹一些蒜泥，开胃又美味跟住就系成班crazy 辣妺子嘅时间，第一味就系霸王项羽，霸王炒辣子鸡 $188。睇见啲辣椒已经吞口水鸡件走过油，入口表面脆口带点香辣。瓦口天荡 乃是招牌口水鸡，$198/半只 都不是便宜。而质素真系高，麻而不辣，咁先至真真正正食到鸡肉嘅鲜味味蕾比辣味完全征服了，越嚟越辣，真系要叫杯饮品来中和下啲辣味。荔枝甘露 $48，清甜又够 fresh好戏在后头，水煮篇里面的麻辣水煮滑牛肉 $168， 是我当晚的最爱，见到呢个水煮法即刻谂起四川，坚正牛肉大块又嫩滑，好味之余不在话下，就连配菜嘅青瓜、薯粉、竹笋都好味到 wow 一声真系吸收晒整个麻辣汁嘅精华。最后的四川担担面 $38，面条够晒弹牙，汤底好惹味。估唔到食川菜都有甜品㖞！