影片
更多
2009-03-03
396 浏览
喺旺角, 要去茶餐厅食嘢, 相信冇人唔识金华但系... 除咗金华之外, 都有一啲好出色嘅茶餐厅!~ 其中, 不得不提嘅, 就系文华冰庞!~去到文华, 晞晴总会叫佢嘅特餐: 特餐有咩嘢??? 牛油面包 - 个包包热热地不特止, 仲好软熟 晞晴一直都唔钟意食好多好多牛油嘅包包 但系, 呢个牛油面包唔太多牛油 食落唔好好油之外, 又食到小小牛油味, 正!~ 火腿奄列 - 一般嘅茶餐厅出品嘅奄列, 食完个底都系一大碟油 但系文华嘅奄列, 佢唔似出面茶餐厅咁多油, 出油情况可以接受!~ 但值得一提, 佢嘅火腿奄列唔系好似想像中一条一条火腿丝 而系一大片三角形火腿片 客人可能会
但系... 除咗金华之外, 都有一啲好出色嘅茶餐厅!~
其中, 不得不提嘅, 就系文华冰庞!~
去到文华, 晞晴总会叫佢嘅特餐:
特餐有咩嘢???
牛油面包 - 个包包热热地不特止, 仲好软熟
晞晴一直都唔钟意食好多好多牛油嘅包包
但系, 呢个牛油面包唔太多牛油
食落唔好好油之外, 又食到小小牛油味, 正!~
火腿奄列 - 一般嘅茶餐厅出品嘅奄列, 食完个底都系一大碟油
但系文华嘅奄列, 佢唔似出面茶餐厅咁多油, 出油情况可以接受!~
但值得一提, 佢嘅火腿奄列唔系好似想像中一条一条火腿丝
而系一大片三角形火腿片
客人可能会觉得系火腿煎蛋多过系奄列
但系... 客人可以当佢系佢嘅另外一个特色吖~
沙嗲牛肉面或米粉 - 晞晴通常都会叫面
因为晞晴觉得沙嗲牛肉, 夹面系一流嘅
沙嗲牛肉唔太辣, 啲牛肉仲好淋, 而且又冇筋, 口感一流
至于个主角 -- 公仔面
佢系用咗晞晴最最最钟意食嘅顶好大光面!~
或者会有人话 -- 食公仔面梗系要一丁啦, 一丁先至系最好食
但系... 晞晴钟情于大光面系因为佢嘅面质同晞晴嘅口味好夹
唔太淋, 又有佢独特嘅烟烟韧韧嘅口感
晞晴去亲都会为咗个沙嗲牛肉面而发狂
(老细!~ 一个面唔够喉呀, 可唔可以俾多一个呀~)
咖啡或茶 - 茶餐厅出品嘅咖啡或茶, 质素穏定唔使讲
只系在于佢系唔系你心目中杯茶
晞晴去亲茶餐厅都系会饮奶茶 (晞晴系奶茶支持者!~)
而文华嘅奶茶就合符晞晴心目中嘅要求
浓郁嘅茶味, 淡奶份量适中, 唔会觉得奶多
饮完仲唔会有涩涩嘅感觉
顺带一提, 文华嘅侍应叔叔好好人, 唔好睇佢哋一把年纪, 佢哋好亲切, 好 Nice, 有时一个眼神, 佢哋已经知客人要落 Order, 或者要佢哋帮帮手, 值得加许喔!~
成个餐都系盛惠 HK$23, 对晞晴猪猪嚟讲, 绝对可以接受喔!~
好又好在佢个特餐系全日供应!~
对于唔想喺晏奏食太多, 又或者系唔想食饭, 意粉嘅客人, 又想食啲嘢落肚, 文华提供嘅特餐最适合不过, (当然, 佢哋仲有其他嘅选择啦!)
文华己经系晞晴嘅旺角食堂!~
张贴
