泰燒遙 (已結業)

想飲冬蔭功湯，又想食海鮮，咁就可以嗌個燒遙冬蔭功海中寶啦！今日去到諾士佛臺既呢間泰燒遙食晚飯.... errrrrr.... 其實我地都係為呢個海中寶而黎！落左單之後每枱有一次機會可以擲骰仔，擲中圍骰/孖骰就有野送啦，都可以玩下！ 哈哈！呢個海中寶真係夠晒吸引，入面有大蝦、聖子、扇貝、青口同魷魚，每一樣我地都勁中意，食到lam lam 脷呢，我地最中意就係聖子，唔洗點沾冬簡直就係海鮮大集匯！arm晒我地呢班中意食海鮮既人啦！ 下面仲有D金邊粉，就咁食都已經好滿足啦！ 因為一定要加碟菜既關係，我地叫左馬拉盞炒通菜。味道都不錯呀！ 頭先個聖子太好味了，我地之後仲叫多左兩隻聖子皇，超鮮味So Yummy！ 臨走個陣見到呢幾個星期都有海鮮推廣，$99 就有大肉蟹/ 大頭蝦/ 爐魚選擇，我地咁中意食海鮮，睇黎短時間內又要再黎多次食海鮮啦！P