影片
更多
2010-01-28
12 浏览
某次同香蕉儿食开野讲起，发现原来大家都知道呢间和光，而且大家都想去食，就决定约埋一齐去啦。之前有一次已经想黎，但我地前一日先订位，人地一早已经爆哂，仲话要等到成个几星期先有位。之后决定再约啦，今次早两星期订位，原本又话无，点知又有㖞，幸运地我地系LAST两个。我地准时黎到，唔知点解佢已经即刻俾我地入去。两个人送两只大虾同一个沙律，沙律无特别。虾算新鲜，而且都有虾膏，肉质唔算好爽但都OK架啦。之后梗系叫主菜啦，食物选择都OK多款架啦，一样食物通常有几种SAUCE拣。牛肉绝对系主角，真系唔系讲笑，我地两个人叫左唔知有无廿碟牛呢，分别叫左唔同既部位。佢系唔系 A X 和牛我就真系唔知，不过就真系好食，D纹好靓，肥瘦均匀。最推介系牛胸腹，真系好食，好有肉味，烧到5成熟真系入口即溶! 去到最尾其实我已经系咩都觉得好寡，但依然觉得呢个好食，系有一种好甜美既感觉。牛舌都OK，推介有葱个只，又系入口即溶，连葱食好香口，佢有另一只味，不过好细块。其余如牛柳粒牛肋骨都OK，可以一食!不过辣味牛肉就麻麻，因为真系几辣，同埋唔系好食到牛肉本身既味道。之后猪同鸡都有好多唔同选择，我地无咩食鸡，猪颈肉系最好食的，
我地准时黎到，唔知点解佢已经即刻俾我地入去。两个人送两只大虾同一个沙律，沙律无特别。虾算新鲜，而且都有虾膏，肉质唔算好爽但都OK架啦。之后梗系叫主菜啦，食物选择都OK多款架啦，一样食物通常有几种SAUCE拣。
牛肉绝对系主角，真系唔系讲笑，我地两个人叫左唔知有无廿碟牛呢，分别叫左唔同既部位。佢系唔系 A X 和牛我就真系唔知，不过就真系好食，D纹好靓，肥瘦均匀。最推介系牛胸腹，真系好食，好有肉味，烧到5成熟真系入口即溶! 去到最尾其实我已经系咩都觉得好寡，但依然觉得呢个好食，系有一种好甜美既感觉。牛舌都OK，推介有葱个只，又系入口即溶，连葱食好香口，佢有另一只味，不过好细块。其余如牛柳粒牛肋骨都OK，可以一食!不过辣味牛肉就麻麻，因为真系几辣，同埋唔系好食到牛肉本身既味道。
之后猪同鸡都有好多唔同选择，我地无咩食鸡，猪颈肉系最好食的，反而黑豚肉麻麻，无咩特别。另外羊扒又系一般，无咩味，都唔似食紧羊咁。海鲜推介带子，好大只同鲜味，虾都OK，又系有虾膏，不过唔算好新鲜。食咁多肉都要食下菜，冬菇鸡脾菇同埋茄子都系好选择! 会有好清新既感觉。
佢都有D沙律前菜，冻豆腐几好食! 好冰凉同清新，都有炒饭个D，不过我地就无食，净系食肉都够哂! 我地食到最尾真系系到谂咁食法，到底我地会唔会心脏病发架？
服务普通，无咩特别，定时会添水，但个D姐姐成日行过黎望下我地，系咪惊我地食唔哂呢？当然建议大家都唔好眼阔肚窄浪费食物啦，佢大概早 30 分钟会话LAST ORDER，大家可以就住叫。
不过真系强烈推介俾食肉兽! 喜欢烧肉都唔好错过! $178一个人，我地仲好LUCKY咁有$50优惠，今晚系香蕉儿做东请食饭，下一晚就轮到我啦! 要食既朋友好快D BOOK位啦。
张贴
